«168 ժամ» թերթը գրում է. «Վերջին տարիներին շփման գիծը դարձել է «բեմահարթակ», վատ լուրերի եւ լարվածության աղբյուր, ինչը ներքին լսարանների աչքում ստվերում է այն ամենն, ինչ տեղի է ունենում խաղաղության գործընթացում»,-մեր թղթակցի հետ զրույցում ասել է Լոնդոնի «Հաշտեցման ռեսուրսներ» խաղաղասիրական կազմակերպության Կովկասյան ծրագրի նախկին ղեկավար, քաղաքագետ Լոուրենս Բրոերսը՝ անդրադառնալով ԼՂՀ-Ադրբեջան սահմանին տեղի ունեցած վերջին ողբերգական միջադեպին։

Անգլիացի փորձագետը կարծիք է հայտնել, թե շփման գծում զինադադարի խախտումները հակամարտությունն օրակարգում պահելու լավագույն միջոցն են, ինչը նա վերագրել է թե ադրբեջանական, թե հայկական կողմին։ Բրոերսի կարծիքով՝ դրանով Հայաստանի եւ Ադրբեջանի նախագահներն ամրապնդում են իրենց կարգավիճակն ու լեգիտիմությունը միջազգային դիվանագիտական շրջանակներում։ Իսկ հարցին, թե արդյոք ճի՞շտ է այդպիսի միջադեպերից հետո Ադրբեջանի հետ բանակցությունները շարունակելը, նա պատասխանել է. «Իհարկե, այսպիսի դեպքը բանակցությունների համար անբարենպաստ մթնոլորտ է ստեղծում, բայց ես Հայաստանի համար այլընտրանք չեմ տեսնում»։

Առավել մանրամասն` թերթի այսօրվա համարում