ԱԺ այսօրվա նիստում ՀԱԿ խմբակցության ղեկավար Լևոն Զուրաբյանը Հանրային ծառայությունները Կարգավորող Հանձնաժողովի նախագահ Ռոբերտ Նազարյանից պահանջեց գազի գնի գոյացման վերաբերյալ փաստաթղթային տվյալներ:
Նշենք, որ Նազարյանը դժգոհեց, թե ես ի՞նչ իմանամ, թե ինչ տվյալներ եք իրենից ուզելու:
«ԱԺ նիստերի դահլիճի չափով արխիվ կա հո չեմ բերի հետս», - նշեց նա:
Նազարյանը նաև հարցրեց, թե ինչո՞ւ չեն ուզում գնալ իր մոտ, նստել, քննարկել, հարցերի պատասխանները պարզել։
«Մի անգամ դուք ինձ մոտ եկեք, ես 10 անգամ կգամ, ես ամբիցիա չունեմ: Ամեն ինչ տեսել եմ, հիմա էլ մայրամուտի մեջ եմ, ոչ էլ պաշտոն եմ ուզում, տարիքս առած մարդ եմ»,– անկեղծացավ Նազարյանը։
Նշենք, որ այստեղ միջամտեց ԱԺ նախագահ Հովիկ Աբրահամյանը, ինչին ի պատասխան Նազարյանն արձագանքեց.
«Ներողություն, էլ չեմ անի»:
Հայ ֆուտբոլիստների հնարավորությունները Եվրոպայում խաղալու փոքր են. Հրաչյա Ղամբարյան (տեսանյութ) 
