Այն պայմանագիրը, որ ունի կառավարությունը «Viola» ընկերության հետ, նախատեսում է ջրի սակագնի վերանայում ամեն տարի: Այս մասին ԱԺ-ում հայտարարեց Հանրային ծառայությունները կարգավորող հանձնաժողովի նախագահ Ռոբերտ Նազարյանը, նշելով, որ մինչև փետրվարի 28-ը պետք է հայտ ներկայացվի հանձնաժողով` սակագնի վերանայման հարցով:
«Հիմա մենք սպասում ենք այդ հայտին»,- նշեց նա, հիշեցնելով, որ ըստ պայմանագրի սակագինը վերանայվում է չորս դեպքում` սպառման ծավալների փոփոխության, դրամ/եվրո փոխհարաբերության, էլեկտրաէներգիայի սակագնի փոփոխության և սղաճի դեպքում:
Բանախոսը հիշեցրեց, որ անցած տարի, երբ հաստատվեց ջրի սակագինը, էլեկտրաէներգիայի սակագինը դեռ փոփոխված չէր, ինչը ենթադրում է, որ փոփոխություն ջրի սակագնում սպասելի է.
«Ես կարծում եմ, որ փոփոխությունը չնչին կլինի` 2-3 դրամի: Բայց քանի հայտը ներկայացված չէ, կոնկրետ թիվ հնչեցնել չեմ կարող» ,- նշեց նա:
Նիկոլ Փաշինյանը պատմել է, թե ինչու է որոշել սափրվել 
