«Արարատի» լեգենդար ֆուտբոլիստ Խորեն Հովհաննիսյանը Armsport.am-ին տված հարցազրույցում համեմատել է Հայաստանի ներկայիս հավաքականը 90-ականների թիմի հետ:
- 90-ականների մտածողության խնդիր կար, տղաները դեռ չէին հավատում, որ կարող են Գերմանիայի կամ Պորտուգալիայի նման հավաքականների հետ հասնել դրական արդյունքի: Այն ժամանակ մեր հավաքականում ոչ ոք չի խաղացել փողի համար, միակ նպատակը եղել է երկրի պատիվը բարձր պահելը: Մեր այն ժամանակվա ֆուտբոլիստները շատ լավ մակարդակ ունեին:
Արթուր Պետրոսյանը, Հարություն Վարդանյանը, Վարդան Խաչատրյանը, Սարգիս Հովսեփյանը, Ալբերտ Սարգսյանը, Համլետ Մխիթարյանը... Նրանք իրենց կարգով չեն զիջում ներկայիս հավաքականի խաղացողներին և նույնիսկ շատերին գերազանցում են: Իսկ ներկայիս հավաքականն իր արդյունքներով է շատ բան ապացուցում, ինչը պետք է գնահատել,- հայտարարել է ԽՍՀՄ հավաքականի նախկին ֆուտբոլիստը:
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
