ԱԺ ՀՀԿ խմբակցության քարտուղար Հովհաննես Սահակյանը համոզված է, որ փետրվարի 18-ին կայացած նախագահական ընտրությունները օրինակելի են եղել: Այս մասին նա այսօր հայտարարեց՝ լրագրողների հետ հանդիպման ժամանկ ու անդրառնալով Րաֆֆի Հովհաննիսյանի կողմից Սահմանադրական Դատարան դիմելու որոշմանը՝ լրագրողներին հորդորեց, որպեսզի լռություն պահպանեն և սպասեն 10 օր մինչև Սահմանադրական Դատարանը կկայացնի որոշում:
Հովհաննես Սահակյանը կարծիք հայտնեց, որ եթե Րաֆֆի Հովհաննիսյանը հանրահավաք չանի, ապա էլ գործ չի ունենա.« Ես կարծում եմ պարապ է մնացել, դրա համար միտինգ է անում», հավելեց նա:
ՀՀ նախագահ Սերժ Սարգսյանի, վարչապետ Տիգրան Սարգսյանի և Երևանի քաղաքապետ Տարոն Մարգարյանի հրաժարականների Րաֆֆի Հովհանիսյանի պահանջը Հովհաննես Սահակյանը անլուրջ է համարում:
Իսկ Սերժ Սարգսյանի, Վարչապետի և քաղաքապետի Ազատության հրապարկ գնալու հրավերին ԱԺ ՀՀԿական պատգամավորն այսպես արձագանքեց.« Մի գուցե ինքը փոշմանի և գնա հանդիպման Սերժ Սարգսյանի, Տիգրան Սարգսյանի և Տարոն Մարգարյանի հետ»։
Հովհհաննես Սահակյանը նշեց նաև, որ «Ժառանգություն» կուսակցության առաջնորդ Րաֆֆի Հովհաննիսյանը գործողությունների հստակ ծրագիր չունի և գնում է այն ճանապարհով, որը երկրում քաոս է առաջացնում:
Մեսին՝ ՄԼՍ-ի ավարտված կանոնավոր առաջնության լավագույն ռմբարկու (տեսանյութ) 
