Երբ Լարս ֆոն Թրիերը ստեղծում էր սկանդալային «Նիմֆոմանուհի» ֆիլմը, նա դժվար թե մտածեր, որ իր երկրպագուների շրջանում կլինեն ոչ միայն մեծահասակներ, այլև երեխաներ:
Երևում է, որ Նյու-Յորքի Sunshine Cinema կինոթատրոնն անուշադրության է մատնել այն հանգամանքը, որ ֆիլմում շատ կան անկեղծ տեսարաններ: Կինոթատրոնում հայտնվել է հատուկ առաջարկ, ըստ որի երեխաները կարող են դիտել ֆիլմն անվճար, հայտնում է spletnik.ru-ն:
Այս հանգամանքը զարմանք է առաջացրել նաև լրագրողներ մոտ: Ըստ ակցիայի, մեծահասակները մեկ տոմս գնելով, կստանան երեխայի համար նախատեսված տոմսը լրիվ անվճար:
Լրագրողների հետ զրույցում ակցիայի կազմակերպիչները նշել են, որ իրենց հաճախորդների շրջանում այս հատուկ առաջարկը դասվում է ամենապահանջվածների և մասսայականություն ունեցող առաջարկների շարքը: Նրանց խոսքերով` այն մարդկանց հնարավորություն է տալիս ծանոթանալ կինոարտադրության նորություններին ավելի մատչելի գնով:
«Այս առաջարկը վերաբերում է բոլոր այն ֆիլմերին, որոնք ցուցադրվում են մեր կինոթատրունում, առանց որևէ բացառության»,- նշել են կազմակերպիչները: