Ադրբեջանական բանակում կատարվել է հերթական սպանությունը:

Դեպքը տեղի է ունեցել Նախիջևանում տեղակայված զորամասերից մեկում, -փոխանցում է ԱՊԱ ադրբեջանական լրատվական գործակալությունը:

Շարքային Նուրալ Բունյադլին դանակով հարվածներ է հասցրել ծառայակից ընկերոջը` Տարիել Մամեդովին, ինչի արդյունքում վերջինս մահացել է:

Պաշտպանության նախարարությունը այդ փաստը հաստատել է: Դեպքի կապակցությամբ հարուցվել է քրեական գործ:

Նշենք նաև, որ սա ադրբեջանական բանակի այս շաբաթվա ընթացքում վեցերորդ մահվան ելքով պատահարն է: