ՀՀ մշակույթի նախարարությունում մարտի 6-ին կայացել է գիտամեթոդական խորհրդի հերթական նիստը, որի ընթացքում քննարկվել է Երևանի Մաշտոցի պողոտայի Կենտրոնական ծածկած շուկայի հարցը և որոշել սկսել նորակառույց ծավալի երկաթբետոնյա հիմնական հատվածի ապամոնտաժման աշխատանքները՝ նախագծով ներկայացված և խորհրդի կողմից որոշված ընդունելի ծավալով:

Ինչպես տեղեկացնում է նախարարության կայքը՝ շուկայի հարցի կապակցությամբ գիտամեթոդական խորհուրդը նաև որոշել է իրականացնել նախագծով նախատեսված Կենտրոնական ծածկած շուկայի հետնամասի պահպանված պատերի վերականգնման, ուժեղացման, ամրակայման աշխատանքներ։

Բացի դրանից՝ վերոնշյալ աշխատանքների ավարտից հետո պետք է մշակվի շուկայի վերականգնման նախագիծը՝ շինության տեխնիկական վիճակի մասին նոր եզրակացության հիման վրա և այն սահմանված կարգով ներկայացնել ՀՀ մշակույթի նախարարության համաձայնեցմանը: