2014 թվականի աշխարհի առաջնության 10-րդ խաղային օրը սկսվեց F խմբի Արգենտինա – Իրան հանդիպումով, որը դրամատիկ ավարտ ունեցավ: Խաղի հերոս դարձավ Լիոնել Մեսսին, ով 91-րդ րոպեին հրաշալի հարվածով հաղթանակ պարգևեց իր թիմին: Հանդիպումն անցավ արգենտինացիների բացահայտ առավելությամբ:
Հարկ է նշել, որ Իրանի հավաքականը նույնպես փորձում էր պարտքի տակ չմնալ և մերթընդմերթ դիմում էր սուր հակագրոհների:
Երկրորդ խաղակեսում իրանցիները մրցակցի դարպասը գրավելու համար երեք իրական պահ ստացան, սակայն չկարողացան աչքի ընկնել դիպուկությամբ: Իսկ ահա Արգենտինան ցույց տվեց իր բարձր կարգը, որի շնորհիվ կարողացավ պարտության մատնել համառ մրցակցին:
Արգենտինա – Իրան`1:0 Գոլ` Մեսսի 91'
Հիշեցնենք, որ արգենտինացիները տարան երկրորդ հաղթանակն՝ ապահովելով փլեյ-օֆֆի ուղեգիր:
Հայաստանը պատրաստվում է փոխել Ռուսաստանում ՀՀ դեսպանին. Ալեն Սիմոնյան 
