ՀՀ Ազգային ժողովի նախագահ Հովիկ Աբրահամյանը շնորհավորական ուղերձ է հղել Կանանց տոնի առթիվ: Ինչպես տեղեկանում ենք ԱԺ տեղեկատվության և լրատվության վարչության տարածած հաղորդագրությունից, ուղերձում ասված է.
«Սիրելի՛ կանայք,
ջերմորեն շնորհավորում եմ ձեզ մարտի 8-ի` Կանանց տոնի առթիվ:
Դուք ձեր ընտանիքների հիմնասյունն ու պահապանն եք, գեղեցիկի կրողն ու փոխանցողը: Ձեր ավանդը անչափելի է նաեւ հասարակական-քաղաքական կյանքում, սերունդների դաստիարակության ու ազգապահպանության գործում: Ի վերուստ տրված եւ սիրով ստանձնած ձեր մեծ առաքելությունը դուք ինքնանվիրումով ու արժանապատվությամբ եք կատարում որպես մայր, որպես կին, որպես քույր ու դուստր:
Ձեր շնորհիվ է, որ ընտանիքը շարունակում է մնալ մոլորակի ամենաջերմ ու հաճելի անկյունը , իսկ աշխարհը դառնում ավելի ու ավելի ներդաշնակ, բարի ու հանդուրժող:
Եվս մեկ անգամ շնորհավորելով գարնանային այս հրաշալի տոնի առթիվ՝ մաղթում եմ ձեզ երջանկություն, բարեկեցություն, բարձր տրամադրություն ու հավատ: Թող սերն ու հոգեկան անդորրը լինեն ձեր կյանքի մշտական ուղեկիցները»:
Ռուսական հանցավոր աշխարհի առաջնորդը նշվում էր որպես Wildberries-ի շուրջ կոնֆլիկտի մասնակից 
