Տարածքային կառավարման նախարարությունը և Շվեյցարիայի զարգացման և համագործակցության գործակալությունը (հետայսու` ՇՀԶԳ)04 հուլիս 2014 թվականին ստորագրեցին նոր քառամյա ծրագիր` «Տեղական ինքնակառավարման համակարգի բարելավում» 5.7 միլիոն դոլար արժողությամբ: Ծրագրի նպատակն է նպաստել Հայաստանում տեղական ինքնակառավարման համակարգի հաշվետվողականության, արդյունավետության և աշխատունակության բարձրացմանը:
ՇՀԶԳ-ն միանում է Եվրոպայի խորհրդի, Գերմանիայի միջազգային համագործակցության ընկերության, ՄԱԿ-ի զարգացման ծրագրի, Հայաստանի սոցիալական ներդրումներ հիմնադրամի ջանքերին` աջակցելու ՀՀ կառավարությանը և համայնքներին տեղական ինքնակառավարման համակարգի բարեփոխումներում:
Ազգային մակարդակում ՇՀԶԳ-ն կաջակցի տեղական ինքնակառավարման ոլորտում բոլոր հիմնական շահագրգիռ կողմերի սերտ համագործակցությանը` միասնական ուժերով մշակելու ավելի արդյունավետ տեղական ինքնակառավարման համակարգին անհրաժեշտ քաղաքականությունը` արդյունքում խրախուսելով ապակենտրոնացման խորացումը:
Համայնքային մակարդակում ծրագիրը մասնավորապես կկենտրոնանա Սյունիքի և Վայոց Ձորի երկու հարավային մարզերի վրա, որտեղ ՇՀԶԳ-ն երկար տարիներ աջակցել է տնտեսական զարգացմանը` կապված անասնապահության և մրգերի վերամշակման արժեքային շղթաների հետ:
ՀՀ Վճռաբեկ դատարանը մերժել է Գլխավոր դատախազին. Սպիտակցի Հայկոյի որդին չի կալանավորվի. կռվի ավարտը. փաստաթուղթ 
