«Հայաստանն իրենց համար աշխարհագրություն է, որն ուզում են լցնել մոլոխոտով՝ իրենցով»,- այսօր ԱԺ «Ժառանգություն» խմբակցության ղեկավար Ռուբեն Հակոբյանն այսկերպ բնութագրեց այն գյուղապետերին, ովքեր ահաբեկում են իրենց համայնքների բնակիչներին: Ռուբեն Հակոբյանը Գեղարքունիքի Մարտունի քաղաքում հանրահավաքի ժամանակ ասաց.«Նրանք մերն են, մենք ինչոր պայքարում ենք իրենց դեմ չի, մենք պայքարում ենք, որ նրանք ստահակ չմեծանան»:
Ռուբեն Հակոբյանը Գեղարքունիքի բնակիչներին խնդրեց, որ այդ գյուղապետերին փոխանցեն, որ իրենց միջից այդ թուրքին հանեն:
«Մարդիկ վախենում էին բարևելուց: Բարևը, ոնց որ ատոմային ռումբ լինի: Մարդը չնայած ուզում է բարևի, վստահ եմ, բայց ինքն ասում է՝ կարող է իմ բարևը մեկը նկարի»,առանձնացրեց Հակոբյանն ու հավելեց, որ խղճում է այն մարդկանց, ովքեր չեն հասկանում, թե ինչ է կատարվում Հայաստանում:
Ռուբեն Հակոբյանի ելույթից հետ, երբ իր ելույթն էլ ավարտեց Րաֆֆի Հովհաննիսյանը՝ մարտունեցիներից մեկը մոտեցավ նրան և հիշեցրեց, որ Րաֆֆի Հովհաննիսյանի հետ հանդիպել է ու ասաց, որ Ռուբեն Հակոբյանն ինքն է թուրք՝ Մարտունիում թուրք չկա:
Րաֆֆի Հովհաննսիյանն այդ մարդուն անվանեց սադրիչ և համերաշխության կոչ արեց:
Մեսին՝ ՄԼՍ-ի ավարտված կանոնավոր առաջնության լավագույն ռմբարկու (տեսանյութ) 
