«Կարեն Դեմիրճյանի անվան մարզահամերգային համալիր» ՓԲԸ-ի ներկայացուցիչը 31.07.2014թ. հրավիրված մամուլի ասուլիսում հայտարարել է, թե ՀՀ պաշտպանության նախարարությունը «վերջին շրջանում միջոցառումներ է անցկացրել համալիրում և մինչ օրս չի վճարել այդ միջոցառումների արդյունքում համալիրին հատկացվելիք 60 միլիոն դրամ պարտքը»: Այս հայտարարության կապակցությամբ ՀՀ պաշտպանության նախարարությունը հաղորդագրություն է տարածել, որում պարզաբանում է.
«Նախ՝ նշված 60 միլիոն դրամ գումարը ուռճացված թիվ է, որը կամայականորեն հաշվարկվել է «Կարեն Դեմիրճյանի անվան մարզահամերգային համալիր» ՓԲԸ-ի կողմից` ՀՀ ԶՈՒ կազմավորման 20-ամյակին նվիրված տոնական միջոցառման կազմակերպման համար:
2. Հիմք ընդունելով «Հայաստանի Հանրապետության պետական կառավարչական հիմնարկների տիրապետմանը, տնօրինմանն ու օգտագործմանը հանձնված/ամրացված/ գույքի/տարածքի/ վարձակալության կարգը հաստատելու մասին» ՀՀ կառավարության 22.02.2001թ. թիվ 125 որոշմամբ սահմանված կարգը, մեկ օրվա համար վարձավճարը հաշվարկվել է 1.713.508 ՀՀ դրամ:
3. Վարձակալության համար ՀՀ պաշտպանության նախարարությունը «Կարեն Դեմիրճյանի անվան մարզահամերգային համալիր» ՓԲԸ-ին վճարել է 29.951.561 ՀՀ դրամ` ներառյալ ծախսված և համատեղ հանձնաժողովի կողմից արձանագրված էլեկտրաէներգիայի, բնական գազի և ջրի չափաքանակները:
4. Համաձայն 2005թ. սեպտեմբերի 30-ի թիվ 319/1-0 պայմանագրի 5.57 կետի` «Կարեն Դեմիրճյանի անվան մարզահամերգային համալիր» ՓԲԸ-ն պարտավորվել է ՄՀՀ-ի վերանորոգումից հետո` 10 տարվա ընթացքում, յուրաքանչյուր տարի ՀՀ կառավարության հայտով ապահովել համապատասխան նշանակության մինչև 5 միջոցառումների, բայց ոչ ավել, քան 12 օր տևողությամբ, անվճար կազմակերպումը:
Ուստիև գտնում ենք, որ, հակառակ ՄՀՀ ներկայացուցիչների պնդումների, ՀՀ պաշտպանության նախարարությունը ընկերության կրած նյութական որևէ կորուստների համար պատասխանատվություն չի կրում»:
Նիկոլ Փաշինյանը պատմել է, թե ինչու է որոշել սափրվել 
