«Եզդի ժողովուրդը մի քանի անձանց քաղաքական եւ տարածքային շահերի զոհ է դարձել: Ամբողջ աշխարհի ուշադրությունը ներկայումս սևեռված է Սինջար քաղաքին, որտեղ 21-րդ դարի սկզբին իրականացվում է եզդի ժողովրդի ցեղասպանություն միայն նրա համար, որ եզդիները արևապաշտ են»: Այս մասին լրագրողների հետ զրույցում հայտնել է եզդիների հոգևոր առաջնորդ շեյխ Բրո Հասանյանը:
Հասանյանի համոզմամբ՝ «Դա կազմակերպել էին Թուրքիայի նախագահ Ռեջեփ Թայիփ Էրդողանը, Իրաքի նախկին նախագահ Ջալալ Թալաբանին»:
Բրո Հասանյանը կարծում է, որ իրենց հոգևոր բարձր առաջնորդը պետք է արագ արձագանքեր այս ուշագրավ միջադեպին, սակայն վերջինս լքել է իր ժողովրդին ծանր պահին: Հասանյանը հիշել է նաև համաշխարհային պատմության մեջ առկա ցեղասպանությունները՝ հայերի նկատմամբ քրիստոնյա լինելու համար, հրեա ժողովրդի նկատմամբ ֆաշիզմի ժամանակ: «Եզդի ժողովուրդը նույնպես այժմ դարձել է նույնպիսի մարդասպանների զոհը»,- հավելել է Բրո Հասանյանը:
Փաշինյանը թուրքական թեյ է խմում Անթալիայում (վիդեո) 
