«Ժողովուրդ» թերթը գրում է.
«Գեղարքունիքի մարզի Վարդենիսի տուն-ինտերնատի նորանշանակ տնօրեն Արտակ Հարությունյանը տուն-ինտերնատում կադրային ջարդ է սկսել: «Ժողովուրդ»-ի տեղեկություններով՝ վերջինս անխտիր աշխատանքից հեռացնում է նախկին տնօրեն Նվեր Հովհաննիսյանի կադրերին»,–գրում է թերթը։
Տուն-ինտերնատում ստեղծված իրավիճակի հետ թերթը զրուցեցել է Արտակ Հարությունյանի հետ:
–Ինչո՞ւ եք կադրային ջարդ սկսել տուն-ինտերնատում:
–Ինձ մոտ կրճատում չունեմ և, առհասարակ, նման խնդիր չկա:
–Ասում են, որ նախկին տնօրեն Նվեր Հովհաննիսյանի կադրերին եք հատկապես հեռացնում:
–Բացարձակապես նման խնդիր չկա: Նվեր Հովհաննիսյանի որդին ինձ մոտ է աշխատում:
–«Ժողովուրդ»-ը գրել էր, որ Ձեր հայրը Նորքի հոգեբուժարանի գլխավոր բժիշկն է։ Տպավորությունն այնպիսին է, որ Ձեզ մոտ ժառանգաբար է հոգեբուժարաններում պաշտոն ստանալը:
–Նման բան չկա:
–Այդ դեպքում, Ձեր ո՞ր արժանիքի համար են նշանակել տնօրենի պաշտոնում:
–Իմ գիտելիքների:
–Օրերս Մարդու իրավունքների պաշտպանի գրասենյակը հայտարարություն էր տարածել, որ Վարդենիսի տուն-ինտերնատում 450 բնակիչներին ընդամենը մեկ հոգեբույժ է սպասարկում: Ի՛նչ եք պատրաստվում անել խայտառակ իրավիճակը փոխելու համար:
–Մինչև ամսվա վերջ, սեպտեմբերի սկիզբ այդ հարցը կկարգավորեմ»:
Ավելի մանրամասն կարդացեք թերթի այսօրվա համարում:
Ես միակողմանի չեմ խոսում խաղաղության մասին, մենք խաղաղության մասին փաստաթղթեր ունենք ստորագրված. Փաշինյանը՝ Ալիևի մասին 
