Վրաստանը, Թուրքիան և Ադրբեջանը մտադիր են պաշտպանունակությունն ամրապնդելու մասին պլան մշակել, հայտարարել է Վրաստանի պաշտպանության նախարար Իրակլի Ալասանիան «Իմեդի» հեռուստաընկերությանը տված հարցազրույցում, գրում է Грузия Online-ը:
«Այդ երեք պետությունների կառավարությունների ներկայացուցիչները սկսում են մտածել պաշտպանունակությունն ամրապնդելու վերաբերյալ պլան մշակելու մասին: Բացի այդ, անհրաժեշտ է ընդգծել, որ այդ գործողություններն ուղղված չեն որևէ մեկի դեմ»,- նշել է Ալասանիան:
Նրա խոսքով՝ անհրաժեշտ է ուշադրություն դարձնել հատկապես այն փաստին, որ այդ երեք պետությունները, որոնք իրականացնում են ռազմավարական նշանակության համատեղ նախագծեր, միակարծիք են այն հարցում, որ ճգնաժամային իրավիճակում այդ ենթակառուցվածքը հարկավոր է պաշտպանել:
«Դա նաև Եվրոպայի և ՆԱՏՕ-ի շահերից է բխում, քանի որ հենց այդ տարանցիկ ճանապարհն է օգտագործվում Աֆղանստան դաշինքի բեռների տեղափոխման համար: Տարանցումը մեծ նշանակություն ունի նաև անվտանգության ապահովման տեսանկյունից, առավելևս՝ Ռուսաստանի հետ լարված հարաբերությունների ֆոնին»,- ասել է Ալասանիան:
Հիշեցնենք, որ օգոստոսի 18-ին Նախիջևանում տեղի էր ունեցել Ադրբեջանի, Թուրքիայի և Վրաստանի պաշտպանության նախարարների հանդիպումը։
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
