Սեռական առողջությունը ոչ միայն այս կամ այն հիվանդության կամ հիվանդագին վիճակի բացակայությունն է, որը կարող է առաջացնել սեռական խանգարում, այլև սեքսուալության ֆիզիկական, էմոցիոնալ, հոգեկան և սոցիալական բարեկեցությունը: Սեռական առողջությունը առողջ ընտանիքի հիմնաքարն է, իսկ առողջ ընտանիքը առողջ հասարակության կորիզը: Վերջին տարիներին Հայաստանի բնակչությունը սկսել է ավելի հաճախ դիմել սեքսապաթոլոգի օգնությանը: Աճել է նաև մարզերից դիմողների թիվը: Այս մասին լրագրողներին ասաց ՀՀ ԱՆ գլխավոր սեքսապաթոլոգ, պրոֆեսոր Արամ Հակոբյանը սեռական առողջության համաշխարհային օրվա կապակցությամբ հրավիրված ասուլիսում:
Նա կարևորել է, որ սեռական առողջության մասին տեղեկությունների տարածման շնորհիվ հասարակության լայն շերտերի մոտ փոխվել է վերաբերմունքը սեռականության, սեռային վարքի և սեռավարակների հանդեպ: Մասնագետի խոսքով` նախկինում հասարակության կողմից անտեսվում էին կանանց սեռական խնդիրները (բացի անպտղությունից), իսկ վերջին 6-7 տարվա ընթացքում մարդկանց վերաբերմունքը կանանց այդ խնդիրների հանդեպ փոխվել է։ Կանայք սկսել են ավելի հաճախ դիմել մասնագետի օգնությանը:
Փաշինյանը թուրքական թեյ է խմում Անթալիայում (վիդեո) 
