Սեպտեմբերի 4-ին Նյուպորտում` ՆԱՏՕ-ի գագաթաժողովի շրջանակներում, նախարար Նալբանդյանը հանդիպեց Հունաստանի արտաքին գործերի նախարար Էվանգելոս Վենիզելոսին: Այս մասին հայտնում է ՀՀ ԱԳՆ մամլո ծառայությունը:
Հանդիպմանը քննարկվեցին Հունաստանի նախագահի` Հայաստան առաջիկա այցի նախապատրաստական աշխատանքները: Մտքեր փոխանակվեցին հայ-հունական հարաբերությունների զարգացման շուրջ:
Նախարարները կարևորեցին միջազգային կազմակերպությունների շրջանակներում համագործակցությունը:
Անդրադարձ կատարվեց Լեռնային Ղարաբաղի հիմնախնդրի կարգավորման գործընթացին: Հունաստանի ԱԳ նախարարը բարձր գնահատեց և իր լիակատար աջակցությունը հայտնեց Մինսկի խմբի համանախագահների ջանքերին` ուղղված հիմնախնդրի խաղաղ հանգուցալուծմանը:
Զրույցին անդրադարձ կատարվեց միջազգային և տարածաշրջանային մի շարք խնդիրների:
Հայ ֆուտբոլիստների հնարավորությունները Եվրոպայում խաղալու փոքր են. Հրաչյա Ղամբարյան (տեսանյութ) 
