«Ժողովուրդ» թերթը գրում է. «Կարծես թե «սև ամպեր» են կուտակվել «Մոսկվիչկա» սուպերմարկետի գլխին: Իսկ Երևանի Կոմիտասի փողոցում գտնվող սուպերմարկետն արդեն վաճառվել է ու այլևս չի աշխատում: «Ժողովուրդ»-ին տեղեկություններ հասան, որ «Մոսկվիչկա» սուպերմարկետը ևս «Կարֆուր» ընկերությունը ներառելու է իր ցանցում:

Երեկ «Ժողովուրդ»-ը փորձել է տեղեկությունը ճշտել «Մոսկվիչկա» սուպերմարկետի սեփականատեր, Երևանի նախկին ոստիկանապետ Ներսիկ Նազարյանի որդուց` Արման Նազարյանից: Վերջինս մեզ հետ զրույցում ասաց, որ իսկապես Կոմիտաս փողոցում գտնվող սուպերմարկետը փակվել է, բայց դրա փոխարեն ավելի մեծն է վերաբացվելու:

«Փակվում է միայն Կոմիտաս 1 հասցեում գտնվող սուպերմարկետը, որովհետև Մերգելյան ինստիտուտի տարածքում մենք ունենք մեր սեփական տարածքը, որտեղ ուզում ենք Կոմիտասի փոխարեն մեր սեփական տարածքի մեջ մեր արտադրական սուպերմարկետը բացել, ընդամենը դա է խնդիրը, ուրիշ որևէ բան չկա»,-հայտարարեց մեր զրուցակիցը: Իսկ ինչ վերաբերում է «Կարֆուր»-ի ցանցին «Մոսկվիչկա»-ի «միաձուլմանը»՝ Արման Նազարյանն ասաց. «Մեր երկրում սուպերմարկետի կուլտուրան շատ զարգացած է ու ով էլ գա չի կարող այդ ամենը վերացնել, նման բան չկա: Մենք ունենք շատ հզոր ցանցեր` ընդամենը մեկ խանութ փակում ենք, որ ավելի մեծը բացենք, մեր տարածքի մեջ, քանի որ դա վարձակալական հիմունքներով վերցված տարածք էր»:

Մանրամասները կարդացեք թերթի այսօրվա համարում: