ԱՄՆ-ն պետք է օգնի Ուկրաինային ռազմական սարքավորումներով, այդ թվում` սպառազինմամբ: Նման հայտարարությամբ Ուկրաինայի նախագահ Պյոտր Պորոշենկոն հանդես է եկել ԱՄՆ Կոնգրեսում, հաղորդում է РИА Новости-ն:
«Ուկրաինացի զինվորականներին ավելի շատ ռազմական սարքավորումներ են անհրաժեշտ` մահաբեր և ոչ մահաբեր: Նրանք անհապաղ ունեն դրա կարիքը: Մենք չենք կարող հաղթել պատերազմում ծածկոցներով»,-հայտարարել է Պորոշենկոն:
Ավելի վաղ ԱՄՆ պետքարտուղար Ջոն Քերին և Պորոշենկոն, ով ԱՄՆ է ժամանել հինգշաբթի օրը, քննարկել են պաշտպանության ոլորտում երկու երկրի համագործակցության և Ուկրաինային նյութական օգնություն տրամադրելու մասին հարցեր:
