Համաձայն համացանցում տարածված տեղեկությունների՝ «Հայ-ռուսական» կազակական միությունը տիրապետում է որոշակի քանակությամբ զենք-զինամթերքի և պարբերաբար իրականացնում է զորավարժություններ: Սակայն միության գլխավոր ատաման, նախագահ Կարապետ Զադոյանը YerevanNews.am-ի հետ զրույցում հերքեց այս տեղեկությունները, ասելով, որ նման սխալ տեղեկությունների տարածման մեջ մեղավոր է կա՛մ միության անդամը, որը արել է այս հայտարարությունը, կա՛մ լրագրողները:

«Զենք-զինամթերք մենք չունենք: Մեր կազմակերպության անդամները ծառայում են նաև ՀՀ սահմանապահ զորքերում պայմանագրային հիմունքներով»,- ասում է միության նախագահը և հավելում, որ ամենայն հավանականությամբ սխալը եկել է այստեղից՝ կամ Շիրակի մարզի գլխավոր ատամանն է սխալ արտահայտվել, կամ լրագրողներն են սխալ մեկնաբանել: 

Միության անդամները իրենց տիրապետության տակ չունեն զենք-զինամթերք, այլ ուղղակի նրանց անդամների մի մասը պայմանագրային հիմունքներով ծառայում է նաև ՀՀ սահմանապահ զորքերում: 

Պրն Զադոյանը նշեց նաև, որ ինքը նույնիսկ զայրացել է սխալ թույլ տված ատամանի վրա: «Մենք ուղղակի կազմակերպություն ենք, որը իրականացնում է որոշակի վարժություններ, իրենց ռազմական գիտելիքները չմոռանալու և անհրաժեշտության դեպքում հայրենիքին աջակցություն ցուցաբերելու համար»,- ասում է Կարապետ Զադոյանը: 

Ճիշտ է, որ ՀՀ ՊՆ-ի հետ «Հայ-ռուսական» կազակական միությունը այժմ լայն բանակցություններ է տանում, որպեսզի ընդլայկնեն իրենց գործունեության շրջանակները: Միության նախագահը հատուկ ընդգծեց, որ իրենց անդամները պատրաստ են ցանկացած պահի ոտքի կանգնել հայրենիքի պաշտպանության համար: