Շանթ Հարությունյանի և ընկերներ գործով առաջին ատյանի դատարանի կայացրած որոշումը կբողոքարկվի Վերաքննիչ դատարան ամենայն հավանականությամբ առաջիկա շաբաթվա ընթացքում: Այս մասին YerevanNews-ի հետ զրույցում ասաց ամբաստանյալներ Տիգրան Պետրոսյանի և Արմեն Հովհաննիսյանի պաշտպան Արա Զաքարյանը: Պաշtպանի խոսքով թե՛ փաստաբանները, և թե ամբաստանյալները մարտական են տրամադրված:
Հիշեցնենք, որ հոկտեմբերի 17-ին, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում ընթանում էր Շանթ Հարությունյանի, նրա անչափահաս որդու՝ Շահեն Հարությունյան և նրա ընկերների գործով դատը, որի արդյունքում էլ հրապարակվեց քրեական գործերով դատավճիռը:
«Ցեղակրոն» կուսակցության առաջնորդը դատապարտվեց 6 տարի ազատազրկման, իսկ նրա որդի Շահենը՝ 4 տարի ժամկետով, սակայն պատիժը պայմանականորեն չի կիրառվի: Շանթի գործով մյուս մեղադրյալները արժանացան առավել խիստ պատիժների՝ Վահե Մկրտչյանը՝ 7, Ալբերտ Մարգարյանը՝ 6, Սևակ Մնացականյանը՝ 5.5, պահեստազորի փոխգնդապետ Վարդան Վարդանյանը, Լիպարիտ Պետրոսյանը, Ավետիս Ավետիսյանը՝ 5-ական տարվա ազատազրկման:
«Ազատություն» բազմաֆունկցիոնալ համալիր. «Մետրոշին»-ը մեկնարկել է հերթական մեծ նախագիծը 
