Այսօր՝ նոյմեբերի 6-ին ընթացող կառավարության նիստի ժամանակ քննարկվում են նաև Հայաստանում ծնելիության մակարդակի հետ կապված որոշ խնդիրներ: Վարչապետը իր մտահոգությունը հայտնեց կապված այն հանգամաքի հետ, որ Հայաստանը բնակչության վերարտադրման մի շարք ցուցանիշներով այսօր գտնվում է աշխարհում վերջին տեղում:
Վարճապետը մասնավորապես ուշադրություն հրավիրեց ծնունդների սեռային հարաբերակցության վրա:
«Թե՛ որպես քաղաքացի, թե՛ որպես վարչապետ, թե՛ որպես 2 աղջիկների հպարտ հայր՝ ինձ խիստ անհանգստացնում է այն սոցիալական միջավայրը, որի արդյունքում այսօր մենք կորցնում ենք հազարավոր ապագա մայրերի»,- ասաց նա:
Վարչապետը հանձնարարեց առողջապահության ու աշխատանքի և սոցիալական հարցերի նախարարներին ուշադրության կենտրոնում պահել այս խնդիրը:
Կառավարության նիստի ընթացքում արդեն իսկ քննարկվել են նաև այլ հարցեր, օրինակ՝ այսօր հաստատվել է «2015-2017 թվականների Եվրամիության փորձարկման ռեֆերենս մեթոդներով ձկան և մեղրի փորձաքննություններ» ծրագիրը: Գյուղատնտեսության նախարար Սերգո Կարապետյանը նշեց, որ ծրագիրը հնարավորություն կտա Հայաստանից Եվրոպական միության երկրներ մեղր ու ձուկ արտահանել:
Հիշեցնենք նաև, որ այսօր արդեն իսկ որոշվել է միավորել Արտակարգ իրավիճակների և Տարածքային կառավարման նախարարությունները: Հովիկ Աբրահամյանը առաջարկեց ստեղծել Միջազգային տնտեսական ինտեգրման և բարեփոխումների նախարարություն:
«Հայաստանը հանուն խաղաղության իր բաժին ներդրումն ունենալու հարցում վճռական է». Փաշինյանը՝ Հռոմի պապին 
