«168 Ժամ» թերթը գրում է.
«Արդյո՞ք եռյակը` հայտարարելով իշխանափոխություն իրականացնելու, դրանից հետո արտահերթ նախագահական և խորհրդարանական ընտրություններ կազմակերպելու իր մտադրության մասին անկեղծ է: Թե՞, ինչպես պնդում են եռյակի որոշ քննադատներ, հանրահավաքներն ու նման հայտարարություններն ընդամենը նպատակ են հետապնդում զբաղեցնել հրապարակը և ընդդիմադիր դաշտն ընդհանրապես, խոչընդոտելով նոր ուժերի ի հայտ գալուն ու նոր ընդդիմության ձևավորմանը:
ՀԱԿ խմբակցության պատգամավոր Նիկոլ Փաշինյանը որոշել է այս հարցում որոշակիություն մտցնելու նպատակով յուրօրինակ թեստ անցկացնել. նա հայտարարել է, որ մինչև այս շաբաթվա վերջ փորձելու է նախագահ Սերժ Սարգսյանին իմպիչմենտ հայտարարելու օրակարգով արտահերթ նստաշրջան հրավիրելու համար ստորագրահավաք սկսել: Նման նստաշրջան հրավիրելու համար անհրաժեշտ է 44 պատգամավորի ստորագրություն: Եթե իսկապես ԲՀԿ-ն և եռյակի մյուս անդամները ցանկանում են իշխանափոխություն, նրանք պետք է որ միանան այս նախաձեռնությանը, իսկ եթե չեն միանում, ստացվում է, որ նրանք անկեղծ չեն իշխանափոխության իրենց հայտարարությունների մեջ և կեղծ ընդդիմություն են. մոտավորապես այսպիսին է թեստից ակնկալվող արդյունքը:
Ավելի մանրամասն կարդացեք թերթի այսօրվա համարում:
Ես միակողմանի չեմ խոսում խաղաղության մասին, մենք խաղաղության մասին փաստաթղթեր ունենք ստորագրված. Փաշինյանը՝ Ալիևի մասին 
