Հարգելի լրագրողներ, այսօր դեկտեմբերի 4-ին, ժամը 15-ին, Վարչական դատարանում տեղի է ունենալու Երևանի քաղաքապետի 27.08.2014թ հ. 3303-Ա որոշումն անվավեր ճանաչելու մասին Երևանի թ.27 հիմնական դպրոցի դատապարտված նախկին տնօրեն Սուսաննա Սարգսյանի հայցի նախնական դատական նիստը: Այս հաղորդագրությունը տարածել է Երևանի ավագանու «Բարև Երևան» խմբակցության անդամ Անահիտ Բախշյանը:
Վերոնշյալ որոշումով Երևանի քաղաքապետը չեղյալ էր հայտարարել սույն թվականի 01.08.2014թ. թ.27 տնօրենի թափուր տեղի համար կայացած մրցույթի վերաբերյալ դպրոցի կառավարման խորհրդի թ.20 արձանագրությամբ քաղաքապետին ներկայացրած այն որոշումը, որով դպրոցի կառավարման խորհուրդն ընտրված տնօրեն է հայտարարել դատապարտված և դատվածության մարման ժամկետը չլրացած Սուսաննա Սարգսյանին և առաջարկել էր նրա հետ կնքել աշխատանքային պայմանագիր: Ավելորդ չէ նշել, որ Երևանի քաղաքապետի կողմից դեռևս չի վերանայվել դպրոցի կառավարման խորհրդի կազմը, որի կայացրած վերոնշյալ որոշումը կայացվել է ՀՀ կառավարության որոշման համապատասխան կարգի լրջագույն խախտմամբ:
Կառավարման խորհրդին ինչ-որ ձևով պատասխանատվության հրավիրելը, ամբողջությամբ կազմը փոխելն ու փաստը հրապարակելը լուրջ նախադեպ կլիներ բոլոր այն խորհուրդների համար, որոնք դառնում են անօրեն, իրավախախտ տնօրենների ձեռքի գործիք:
Նիկոլ Փաշինյանը պատմել է, թե ինչու է որոշել սափրվել 
