Դեկտեմբերի 12-ին, ժամը 19.30-ի սահմաններում, ոստիկանության Հրազդանի բաժնում ահազանգ է ստացվել, որ Հրազդան քաղաքի Միկրոշրջան թաղամասի շենքերից մեկի բակում ծեծի է ենթարկվել Հայ ազգային կոնգրեսի Հրազդանի տարածքային կառույցի ղեկավար Աշոտ Փիլիպոսյանը: Մեկնած օպերատիվ խմբին Ա. Փիլիփոսյանը հաղորդում է տվել, որ նույն օրը, ժամը 19.00-ի սահմաններում, իրեն է զանգահարել անծանոթ անձ, հրավիրել է դուրս, և Միկրոշրջան թաղամասի թիվ 210 շենքի մոտ 2 քաղաքացի ծեծի են ենթարկել իրեն` պատճառելով վնասվածքներ:
Ոստիկանության Կոտայքի մարզային վարչության և Հրազդանի բաժնի ծառայողների ձեռնարկած միջոցառումների շնորհիվ պարզվել է, որ անձնական բնույթի հարցերի շուրջ ծագած վիճաբանության ժամանակ Ա. Փիլիպոսյանին ծեծի են ենթարկել և վնասվածքներ պատճառել Կոտայքի մարզի Լեռնանիստ գյուղի բնակիչներ 1986 թ. ծնված Պարգև և 1987 թ. ծնված Ռոման Մանուկյանները, որոնք բացատրական աշխատանքների շնորհիվ ներկայացել են ոստիկանության Հրազդանի բաժին և տվել խոստովանական բացատրություններ: Կատարվում է հետաքննություն:
Ռուսական հանցավոր աշխարհի առաջնորդը նշվում էր որպես Wildberries-ի շուրջ կոնֆլիկտի մասնակից 
