«Հրապարակ» թերթը գրում է.
«Հատուկ քննչական ծառայության նախկին պետ Անդրանիկ Միրզոյանի գլխին ամպերն աստիճանաբար են կուտակվել: Նախ, որդուն ազատեցին իրավապահ մարմիններից, հետո էլ բնակարանում խուզարկություն իրականացրին: Անդրանիկ Միրզոյանի որդին՝ Գորիկ Միրզոյանը, քննիչ էր ԱԱԾ քննչական վարչությունում: Այս նույն ստորաբաժանումն իրականացրել է ՀՔԾ նախկին պետի տան խուզարկությունը: Խուզարկության վերաբերյալ միակ մեկնաբանությունը մինչ այսօր տվել է հենց ինքը՝ Անդրանիկ Միրզոյանը:
NEWS.am-ին նա հայտնել է, որ իրավապահները ոչինչ չեն հայտնաբերել իր տանը, և որ խուզարկությունը կատարվել է նրա «հարբեցող, նաև խարդախ սանիկի ուղղորդված և ակնհայտ սուտ ու զրպարտող ցուցմունքների հիման վրա»: Բայց այս բացատրությունն ուղղակի անհայտներ ավելացրեց: Այն հանգամանքը, որ դատարանը թույլատրել է խուզարկությունը, նշանակում է, որ հարուցված քրեական գործ կա: Թե ինչ գործ է և արդյոք հարուցված է ՀՔԾ նախկին պետի դեմ, ԱԱԾ-ից չհայտնեցին, սակայն հաստատեցին Միրզոյանի պնդումը, որ խուզարկությունը կատարվել է նրա «ինչ-որ բարեկամի» ցուցմունքի հիման վրա»:
Ավելի մանրամասն կարդացեք թերթի այսօրվա համարում:
Ես միակողմանի չեմ խոսում խաղաղության մասին, մենք խաղաղության մասին փաստաթղթեր ունենք ստորագրված. Փաշինյանը՝ Ալիևի մասին 
