Երեկ վարչապետ Տիգրան Սարգսյանի ծննդյան օրն էր. նա դարձավ 53 տարեկան: «Ժողովուրդ» օրաթերթի ՀՀԿ-ական աղբյուրների փոխանցմամբ, Տիգրան Սարգսյանն իր ծննդյան օրը նշել է Ամիրյան փողոցում գտնվող «Նոյան տուն» ռեստորանում: Խնջույքին էլ ներկա են եղել ԱԺ նախագահ Հովիկ Աբրահամյանը, նախարարներ և այլ պաշտոնյաներ:
Սերժ Սարգսյանը երեկ ներկա չի գտնվել վարչապետի ծննդյան առթիվ հրավիրված խնջույքին, նա եղել է Տավուշի մարզում: Ընդ որում, Ս. Սարգսյանը կրկին քարոզարշավի պատճառով օրերս չի մասնակցել նաև Հովիկ Աբրահամյանի ծննդյան տոնակատարությանը:
Հավանաբար, վարչապետի ծննդյան օրը մեծ տոն է եղել ոչ միայն իր, այլև կառավարության աշխատակիցների համար, համենայնդեպս, վարչապետը երեկ ոչ մի պաշտոնական հանդիպման կամ միջոցառման չի մասնակցել, բայց կառավարության կայքում տեղադրված վերջին լուրը թվագրված էր հունվարի 26-ով այնինչ առնվազն հունվարի 29-ը պաշտոնապես աշխատանքային օր էր:
Փաշինյանը կոչ է անում մեծ պատմություն չսարքել Շաքիի դեպքից և կատարվածում վիրավոր կնոջն է մեղադրում 
