Դեկտեմբերի 20-ին Ակվա Լենդ համալիրում և այնտեղ գործող Օրանժ էլեֆանտ զարգացման կենտրոնում կազմակերպվել էր ամանորյա գեղեցիկ Դիմակահանդես: Միջոցառումը նվիրված էր Ակվա Լենդ համալիրի և Օրանժ Էլեֆանտ զարգացման կենտրոնի համագործակցության երկու ամյակին:
Դիմակահանդեսին մասնակցում էին Golden Strings կիթառահարների համույթը և մեր շատ սիրելի փոքրիկ երգիչ երգչուհիները ` Կարեն Օհանյանը, Միլլին, Էլինա Չոլախյանը, Լոենը, Յանա Հովհաննիսյանը, Լուսինե Ղազարյանը, Սոնա Գյուլխասյանը, Ռազմիկ Աչիկյանը, Կարեն Ուղուրյանը, Կարապետ Կարապետյանը, Սյուզաննա Հարությունյանը, Նադյա Սարգսյանը,Արման Սիմոնյանը: Միջոցառման առաջին հատվածում համերգային մասն էր, որի ժամանակ հանդես եկան մեր բոլորիս սիրելի հրաշք երգիչ երգչուհիները: Հետո երեխաներին ողջունեց աշխարհի ամենազվարճալի ծաղրածուն: Վերջում դիմավորեցինք Ձմեռ Պապ Ձյունանուշին և անկացվեց խաղարկություն` նախապես բաժանված դիմակների համարներով: Ի դեպ նշենք, որ սահմանված էր շատ հետաքրքիր dress code (կերպարային, պարահանդեսային հագուստ) և ծնողները ջանք չէին խնայել, որպեսզի իրենց երեխաները ներկայանային իսկապես յուրահատուկ կերպարով: Բոլորը այնքան գեղեցիկ էին , որ մի պահ ներկաներին թվում էր որ գտնվում են իրական հեքիաթում:
Միջոցառման կազմերպիչ Ռուբինա Գրիգորյանը նշեց, որ շուրջ երկու տարի Ակվա Լենդի և Օրանժ Էլեֆանտի համագործակցության արդյունքում ամեն շաբաթ կազմակերպվել են բազմաբնույթ միջոցառումներ, որտեղ ներգրավված են եղել 3 վարչական շրջանների մանկապարտեզները: Այս սովորույթն ունենալու է իր շարունակությունը` ընգրկելով մյուս վարչական շրջանները ևս: Բացի այդ շատ շուտով մեծ համերգ է կազմակերպվելու համերգասրահներից մեկում, որին մասնակցելու են այս Դիմակահանդեսի մասնակիցները:
Դա կլինի միջոցառման կազմակերպչի ամանորյա նվերը բոլոր մասնակիցներին:
