Սահմանին դանդաղ պատերազմ է. եթե մի օր այս պատերազմում պարտվենք, ոչ թե զոհեր կունենանք, այլև դիրքեր կկորցնենք: Այս մասին այսօր` փետրվարի 6-ին, լրագրողների հետ հանդիպմանը հայտարարեց պաշտպանության նախարարի մամուլի խոսնակ Արծրուն Հովհաննիսյանը` պատասխանելով հարցին, թե ինչ իրավիճակ է այս պահին սահմանին և ինչի հետ է կապված լարվածությունը:
Ըստ Արծրուն Հովհաննիսյանի` իրավիճակը սահմանին հունվարի սկզբից լարված է, և եթե ամեն օր հայկական կողմը հակառակորդի ոտնձգությունների չպատասխանի, ապա կսկսենք պարտություններ կրել:
«Փետրվարի 5-ի դեպքն էլ պատասխան ենք տալու»,- ավելացրեց ՊՆ խոսնակը:
Հիշեցնենք, որ ադրբեջանական կողմը փետրվարի 5-ի լույս 6-ի գիշերը խախտել է հրադադարի ռեժիմը` կրակելով հիմնականում Տավուշի մարզի սահմանամերձ գյուղերի ուղղությամբ:
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
