Հայաստանի հավաքականի պաշտպան Արտյոմ Խաչատուրովը NEWS.am Sport-ի թղթակիցի հետ զրույցում կիսվել է 2014 թ. աշխարհի առաջնության ընտրական փուլի Չեխիայի հավաքականի դեմ (0-3) կայացած խաղից ստացած տպավորություններով:
-Մեր թիմը լավ խաղաց, բայց մեր բախտը չբերեց: Առաջին բաց թողած գնդակից հետո դժվար էր խաղալ, իսկ երկրորդից հետո արդեն անհնար: Եթե մենք կարողանայինք բացել խաղի հաշիվը, ապա խաղը այլ սցենարով կզարգանար:
Մեր թիմի կազմում լավագույնը Արզումանյանն էր, ով լավ էր պաշտպանվում և սկսում էր գրոհները: Չէի ասի, որ բաց թողած գոլերի մեջ մեղավոր են պաշտպանները:
Առաջին գոլը բաց թղոեցինք գնդակի կորուստից հետո, երկրորդ գոլի մեջ զիջեցինք 2-րդ հարկում, իսկ 3-րդը հակագրոհի շնորհիվ եղավ:
Իհարկե, հիասթափված եմ, որ չմասնակցեցի չեխերի դեմ խաղին: Ես եկել եմ, որպեսզի խաղամ, այլ ոչ-թե նստեմ պահեստայինների նստարանին, բայց այսպես որոշեց մարզիչը:
Մի քանի մարզումներից հետո պարզ դարձավ, որ ես չեմ լինի մեկնարկային կազմում, բայց ճիշտն ասած, չգիտեմ, թե ինչու չխաղացի:
Ես բոլորի հետ հավասար մարզվում էի: Ավելի լավ է այդ հարցը մարզչին տալ: Նա միայն ասել է, որ հույսեր է կապում ինձ հետ:
Դժվար է ասել, թե ինչ կլիներ, եթե ես մեկնարկային կազմում լինեի: Այս հավաքի շնորհիվ ես հնարավորություն ունեցա մարզվել բարձրակարգ ֆուտբոլիստների հետ:
Մենք հիանալի թիմ ունենք: Հաջորդ հավաքների ժամանակ կապացուցեմ, որ արժանի եմ լինել մեկնարկային կազմում:
Եթե համեմատեմ Հարոյանին և Ոսկանյանին, ապա նախապատվությունը կտայի Ոսկանյանին, ով լավ էր նայվում,- նշել է Խաչատուրովը:
Նիկոլ Փաշինյանը պատմել է, թե ինչու է որոշել սափրվել 
