«Նոր ժամանակներ» կոսակցության նախագահ Արամ Կարապետյանը կարծում է, որ հետընտրական զարգացումները կորցնում են իրենց լրջությունը:
«Եթե չկա կտրուկ գործողություններ, պարզ է, որ կգնան համաձայնությունների», այս մասին այսօր լրագրողների հետ հանդիպման ժամանակ հայտարարեց Արամ Կարապետյանը և հավելեց, որ այս գործողություններով իշխանությունները կպահպանեն Սերժ Սարգսյանի լեգիտիմությունը և ապրիլի 9-ին Սերժ Սարգսյանին կհռչակեն որպես լեգիտիմ նախագահ։ Նա ասաց նաև, որ մտադրություն է ունեցել այցելել Րաֆֆի Հովհաննիսյանին, սակայն հայտնի նամակագրությունից հետո իր որոշումը վերանայել է:
«Եթե Սերժ Սարգսյանը մնա նախագահ, ուրեմն Րաֆֆի Հովհաննիսյանի և իր թիմի համար դառնում է լեգիտիմության խնդիր», ասաց բանախոսն ու հավելեց, որ շատերն այս օրերին ասում են, թե ապրիլի 9-ից հետո շատ բան է փոխվելու և ընդգծեց.«Ապրիլի 9-ին ոչ մի բան էլ չի լինելու»:
Արամ Կարապետյանը վերահաստատեց իր այն տեսակետը, որ Հայաստանում իշխանափոխությունը պետ է լինի միայն հեղափոխության միջոցով:
Մեսին՝ ՄԼՍ-ի ավարտված կանոնավոր առաջնության լավագույն ռմբարկու (տեսանյութ) 
