Հաշվի առնելով հայ համայնքի խիստ ծանր դրությունը՝ «Հալեպ» կազմակերպությունը կոչ է անում հնարավորության դեպքում օգնել ծանր իրավիճակում հայտնված և օգնության խնդրանքով դիմած հայերին։

Նշվում է, որ Հալեպից Հայաստան մեկնելու գումարը յուրաքանչյուր անձի համար կազմում է մոտավորապես 488 դոլար։

Նրանց համար, ովքեր ունեն սիրիական անձնագիր և Հայաստանի մուտքի վիզա, Հալեպ-Լիբանան-Երևան չվերթի ծախսերը հետևյալն են՝

1. 50 դոլար՝ դեպի Լիբանան հասնելու համար,
2. 5.17 դոլար՝ սահմանը հատելու ելքի արտոնագրի համար,
3. 20 դոլար՝ Լիբանանի օդանավակայան հասնելու համար,
4. 360-380 դոլար՝ MEA ընկերության ինքնաթիռի տոմս գնելու համար՝ մեկ ուղղությամբ,
5. 8 դոլար՝ Երևանի օդանավակայանի ծախսերի համար,
6. 25 դոլար՝ այլ ծախսերի համար։

Այսպիսով՝ յուրաքանչյուր անձի համար ընդհանուր գումարը կկազմի մոտ 488 դոլար։

Յուրաքանչյուր բարերարի կտրամադրվեն իր հովանավորած անձի հետ կապվելու տվյալները։ Այլ մանրամասների համար կարելի է դիմել «Հալեպ» կազմակերպությանը՝ հետևյալ հեռախոսահամարներով՝ (00374)-10-545369 կամ (00374)-77-260715։