ՀՀ պաշտպանության նախարար Սեյրան Օհանյանը լրագրողների հետ զրույցում նշեց, որ վերջին ժամանակաշրջանում ՀՀ և ԼՂՀ սահմաններում իրավիճակն ավելի հանգիստ է, չնայած Ադրբեջանի ապակառուցողական կեցվածքին:
«Հայկական կողմը միշտ արել է այնպես, որ պահպանի հրադադարի ռեժիմը: Հայ զինվորը խաղաղության զինվոր է, և նա ամեն ինչ անում է, որպեսզի ստեղծվի այդ զսպման մեխանիզմը, մեր սահմաններում խաղաղություն տիրի: Ամենակարևորը վստահության մակարդակի ստեղծումն է, որն ամենաէականն է բանակցային գործընթացում առաջընթաց ունենալու համար»,- ասաց նախարարը:
Ըստ պաշտպանության նախարարի՝ այս ամենը մեկ անգամ ևս պարտավորեցնում է, որ հայկական կողմն ավելի հետևողական կերպով վերահսկի իրավիճակը, հետևություններ անի և սառնասիրտ որոշումներ կայացնի, և պատրաստ լինի ցանկացած զարգացման:
Ռուսական հանցավոր աշխարհի առաջնորդը նշվում էր որպես Wildberries-ի շուրջ կոնֆլիկտի մասնակից 
