Հայաստանում ծառայությունների մատուցման գրեթե բոլոր ոլորտներում սպասարկման ցածր մակարդակի մասին խոսվել է բազմիցս, և այս խոսակցություններն ու բողոքները կշարունակվեն դեռ երկար, քանի որ տևական ժամանակ է անհրաժեշտ, որպեսզի Հայաստանում ձևավորվի գրագետ սպասարկման կուլտուրան:
Սպասարկման հետ կապված բողոքները առավել շատ են մասնավորապես բանկային ոլորտում: Բանկերի աշխատակիցներին առաջնային պետք է դասավանդել սպասարկման տարրական կանոներն ու վարվելաձևերը: Խոսքը իհարկե չի վերաբերում բոլորին, սակայն խնդիրն այս դեպքում կրում է մասսայական բնույթ:
Բացի բանկերում առկա մշտական հերթերից, գոյություն ունի նաև «call center»-ի հետ կապված խնդիր: Հնարավոր է որոշ բանկերում այս մարմինը ամբողջությամբ բացակայում է:
Վերջերս YerevanNews.am-ի թղթակիցը մոտ 40 րոպե փորձում էր կապ հաստատել ABB բանկի իրեն անհրաժեշտ մասնագետի հետ: Երկար փորձերից և ջղաձգված նյարդերը հանգստացնելուց հետո հեռախոսին պատասխանեց մասնագետը, ով միաժամանակ սպասարկում էր նաև մեկ այլ հաճախորդի: Արդյունքում «ո՛չ գայլն էր կուշտ, ո՛չ էլ ոչխարները ապահով»:
Իսկ ո՞վ է պատասխանատու ստեղծված իրավիճակի համար: Ո՞ւր են կորում վարկառուներից ստացված հսկայական շահույթները, եթե հնարավոր չէ անգամ սեփական հաճախորդների համար ապահովել բարձրակարգ սպասարկում:
Տվյալ դեպքում ABB բանկը պետք է լուրջ քայլեր ձեռնարկի մասնագետների թվաքանակը ավելացնելու ուղղությամբ, հակառակ դեպքում մեկը մյուսի հետևից կկորցնի իր հաճախորդներին:
Հայաստանը պատրաստվում է փոխել Ռուսաստանում ՀՀ դեսպանին. Ալեն Սիմոնյան 
