Դորտմունդի «Բորուսիայի» կիսապաշտպան Իլկայ Գյունդողանն այս ամառ չի փոխի իր ներկայիս ակումբը:

Bild-ի հաղորդմամբ՝ 24-ամյա ֆուտբոլիստը որոշել է մնալ «Բորուսիայում» և առաջիկայում դորտմունդցիների հետ նվազագույնը մեկ տարով կերկարաձգի պայմանագիրը:

Ակումբի հետ կիսապաշտպանի գործող պայմանագիրն ավարտվում է 2016 թվականին:

Ավելի վաղ լուրեր էին պտտվում, թե Գյունդողանը կարող է տեղափոխվել «Բարսելոնա»՝ փոխարինելու Չավիին:

Հավելենք, որ անցած մրցաշրջանում Գյունդողանը Գերմանիայի առաջնությունում 23 հանդիպում է անցկացրել՝ դառնալով 3 գոլի և 4 գոլային փոխանցման հեղինակ: