Բաղրամյան պողոտայից բերման ենթարկվածների մեծ մասն արդեն ազատ է արձակվել, ձերբակալվածներ չկան, քրեական գործ չի հարուցվել ոչ մի ցուցարարի դեմ: Այս մասին լրագրողների հետ զրույցում հայտնեց ՀՀ փոխոստիկանապետ Հունան Պողոսյանը:
Մասնավորապես նա ասաց.
«Բողոքներ կան, որ բերման ենթարկելու ժամանակ որոշ ցուցարարներ բռնության են ենթարկվել, մենք ուսումնասիրում ենք: Մեր ներկայությունն այնտեղ նրա համար էր, որ պրովոկատորների ու սադրիչների բոլոր գործողությունները կանխարգելեինք եւ նման ոչ մի բան չլիներ: Մեր աշխատակիցները հրահանգված էին ուժ չգործադրել»,- ասաց նա:
Նշենք, որ քիչ առաջ Բաղրամյան պողոտայից հեռացվեցին աղբամանները և ցույցի մասնակիցներին ստիպեցին բացել փողոցը:
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
