Ոստիկանության Էրեբունու պահպանության բաժնի ծառայողները հուլիսի 9-ին, ժամը 03.10-ին Երևանի Արին-Բերդի փողոցի թիվ 13 հասցեի մոտ նկատել են մի քանի քաղաքացու, որոնք քաշքշել և հարվածել են միմյանց, որոնցից մեկը վնասվածքներով տեղափոխվել է հիվանդանոց, իսկ երկուսը՝ Վրաստանի և ԻԻՀ քաղաքացիներ, հրավիրվել են բաժին:
Այս մասին հայտնում են ՀՀ ոստիկանությունից։
Նույն օրը, ժամը 05.00-ին, հիվանդանոցից ոստիկանության Էրեբունու բաժնում հաղորդում է ստացվել, որ շտապօգնության խումբը «դեմքի և մարմնի տարբեր մասերի քերծվածքներ, աջ արմնկային հոդի շրջանի փափուկ հյուսվածքների սալջարդ» ախտորոշմամբ բուժօգնության է տեղափոխել 1955 թ. ծնված Հրաչյա Ա.-ին, ով հայտնել է, որ Արին-Բերդի փողոցի թիվ 13 հասցեի մոտ ծեծի է ենթարկվել:
Պարզվել է, որ հուլիսի 9-ին, ժամը 02.30-ին, նշված հասցեի մոտ ԻԻՀ քաղաքացի, 1971 թ. ծնված Ֆարհադ Ս.-ի և անհայտ անձի միջև վիճաբանության ժամանակ վերջիններս հարվածել են միմյանց, իսկ Հրաչյա Ա.-ն միջամտել է և հարվածներ ստացել:
Ֆարհադ Ս.-ն և միջադեպին ներկա Վրաստանի քաղաքացի, 1962 թ. ծնված Գուրամ Մ.-ն ՊՊԳՎ ծառայողների կողմից հրավիրվել են բաժին:
Ֆարհադ Ս.-ն և Հրաչյա Ա.-ն հրաժարվել են հաղորդում տալուց: Կատարվում է հետաքննություն:
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
