«Յուվենտուսի» կիսապաշտպան Արտուրո Վիդալը մոտ ժամանակներս կլքի թուրինյան ակումբը: Ամենայն հավանականությամբ չիլիացին կտեղափոխվի Մյունխենի «Բավարիա»:
28-ամյա ֆուտբոլիստն ինստագրամյան իր էջում գրել է.
«Շնորհակալ եմ «Յուվենտուսի» երկրպագուներին: Դուք լավագույնն էիք իմ ամբողջ կարիերայի ընթացքում, միշտ լավ եք վերաբերվել ինձ: Ես շատ կկարոտեմ ձեզ: Շնորհակալ եմ ամեն ինչի համար, «Յուվենտու՛ս»:
Հիշեցնենք, որ չիլիացու տրանսֆերային արժեքը կկազմի 35 մլն. եվրո՝ չհաշված բոնուսները: Յուրաքանչյուր մրցաշրջանի դիմաց Վիդալը 6.5 մլն. կստանա:
Հավելենք նաև, որ Վիդալը չորս անգամ դարձել է Իտալիայի առաջնության հաղթող, մեկ անգամ նվաճել է երկրի Գավաթը և երկու անգամ՝ Սուպերգավաթը:
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
