Թուրքական ավիացիան այսօր առաջին անգամ հարվածներ է հասցրել «Իսլամական պետություն» ահաբեկչական խմբավորման դիրքերին Սիրիայում:
Հայտնում են նաև, որ անվտանգության ծառայության կողմից այսօր Թուրքիայում ձերբակալվել է 251 մարդ, որոնց կասկածում են այս խմբավորման անդամը լինելու մեջ: Ձերբակալվածներ կան նաև Ստամբուլում, Անկարայում և Իզմիրում:
Նշենք, որ հինգշաբթի օրը Սիրիայի սահմանին տեղի ունեցած կրակոցների արդյունքում զոհվել է թուրք զինծառայող:
Միևնույն ժամանակ ամերիկյան պաշտոնական անձինք հայտնում են, որ ստացել են Թուրքիայի համաձայնությունը օգտագործել «Ինչիրլիկ» կոչվող ավիաբազան հարվածներ իրականացնելու համար:
Հայաստանը պատրաստվում է փոխել Ռուսաստանում ՀՀ դեսպանին. Ալեն Սիմոնյան 
