Եվրո 2016-ի ընտրական փուլի I խմբի 6-րդ տուրում այսօր Հայաստանի հավաքականն իր 6-րդ հանդիպումը կանցկացնի՝ Նովի Սադ քաղաքում հյուրընկալվելով Սերբիայի հավաքականին:
Երկու հավաքականներն էլ դեռ հաղթանակ չեն տոնել ընթացիկ ընտրական փուլում և գտնվում են աղյուսակի վերջնամասում:
Հավաքականները հանդիպել են 4 անգամ, որոնցից 2-ն ավարտվել է սերբերի հաղթանակով, 2-ը՝ ոչ ոքի:
Այս խաղում նույնպես բուքմեյքերները հավատում են սերբերի հաղթանակին. 1.44 - 4.75 - 8.00:
Մեր հավաքականը դաշտ կգա մեկնարկային հետևյալ կազմով.
Գևորգ Կասպարով, Լևոն Հայրապետյան, Գաել Անդոնյան, Ռոբերտ Արզումանյան, Հրայր Մկոյան, Կառլեն Մկրտչյան, Հենրիխ Մխիթարյան, Գևորգ Ղազարյան, Արաս Օզբիլիս, Մարկոս Պիզելի, Յուրա Մովսիսյան:
Հիշեցնենք, որ հանդիպումը կմեկնարկի Երևանի ժամանակով 22:45-ին և ուղիղ եթերով կհեռարձակվի Հանրային հեռուստատեսությամբ:
Ռուսաստանն «Орешник» բալիստիկ հրթիռ է արձակել Ուկրաինայի ուղղությամբ. ՌԴ նախագահ 
