Սեպտեմբերի 12-ին, ժամը 19.00-ին, ոստիկանության Վաղարշապատի բաժնի ծառայողները, օպերատիվ տվյալներն իրացնելիս, թմրամիջոց պահելու կասկածանքով, Գայ գյուղից բերման են ենթարկել 38-ամյա Արթուր Ա.-ին:
Ոստիկանության մամուլի ծառայությունից հայտնում են, որ նրա խուզարկությամբ` տաբատի գրպանից հայտնաբերվել եւ առգրավվել է թղթե փաթեթ` մարիխուանա տեսակի թմրամիջոցին նմանվող դեղնականաչավուն չորացված, մանրացված զանգվածով, իսկ վերնաշապիկի գրպանից` ծխախոտի գլանակ, որի մեջ եւս եղել է մարիխուանա տեսակի թմրամիջոցին նմանվող զանգված:
Արթուր Ա.-ն իր բացատրությամբ հայտնել է, որ հայտնաբերված զանգվածները մարիխուանա տեսակի թմրամիջոց են, պատկանում են իրեն:
Նշանակվել է դատաքիմիական փորձաքննություն:
Կատարվում է հետաքննություն:
Նիկոլ Փաշինյանը պատմել է, թե ինչու է որոշել սափրվել 
