«Հայկական ժամանակ» թերթը գրում է.

«Ֆինանսական շուկայում դրամը շարունակում է իր «հաղթարշավը»: Երեկ մեկ դոլարի վաճառքի գինը երևանյան փոխանակման կետերում նվազել է 480 դրամից: Փաստորեն ընդամենը մեկ շաբաթվա ընթացքում դրամն արժևորվել է մոտ 2 տոկոսով»:

Թե ինչով է սա պայմանավորված, այնքան էլ հասկանալի չէ: Ըստ որոշ տեսակետների, դա կարող է պայմանավորված լինել խաղողի մթերման գործոնով: Խաղող մթերողները, ըստ այդ տեսակետի, շուկայում զգալի ծավալներով դոլար են վաճառում իրենց հաճախորդներին վճարելիք դրամը գնելու համար: Եթե այդ տեսակետը համապատասխանում է իրականությանը, ապա դրամի արժևորման ընթացքը շուտով կդադարի և այն կրկին կսկսի արժեզրկվել:

Նկատենք, որ դրամի փոխարժեքի կտրուկ տատանումները, անկախ նրանից՝ դա արժեզրկում է, թե արժևորում, բացասական ազդեցություն է թողնում տնտեսության վրա»:

Ավելի մանրամասն կարդացեք թերթի այսօրվա համարում: