Նախօրեին երեկոյան ադրբեջանական զինուժը խախտել է հրադադարի պահմանման ռեժիմը հայ-ադրբեջանական պետական սահմանի հյուսիսարեւելյան հատվածում` կիրառելով տարբեր տրամաչափի հրաձգային զինատեսակներ եւ ականանետեր: Գնդակոծվել են սահմանամերձ բնակավայրերը մասնավորապես Տավուշի մարզի Բերդավան, Պառավաքար, Բաղանիս գյուղերը, ինչպես նաև Նոյեմբերյան քաղաքը:
Թշնամու կրակոցներից սահմանամերձ Պառավաքարում մահացել են ՀՀ խաղաղ բնակիչներ, բոլորը կանայք, միաժամանակ Բերդավանում երկու տղամարդ է վիրավորվել, որոնք անմիջապես հոսպիտալացվել են։

Ի պատասխան Տավուշի մարզի բնակավայրերի՝ ադրբեջանական գնդակոծություններին, հայոց զնվորները վնասազերծել են հակառակորդի հինգ ասկյարի։ Ինչպես տեղեկացնում է Voskanapat.info-ն, ադրբեջանցի հինգ զինվոր ևս ստացել է վնասվածքներ` երկուսի վիճակը ծանր է։

Ըստ կայքի տվյալների, բացի մարդկային կորուստներից, ադրբեջանական կողմը զրկվել է հայկական Պառավաքար գյուղի դիմաց գտնվող մարտական հենակետից, քանի որ այն ոչնչացվել է ականանետներից բացված կրակներով։

Հարկ է նշել, որ ՄԱԿ-ի գլխավոր ասամբլեաին մասնակցելու նպատակով Նյու Յորք է մեկնել նախագահ Սարգսյանը, որտեղ, ըստ շրջանառվող տեղեկությունների, նախատեսված էհանդիպում իր ազերի գործընկերոջ հետ: Նշենք, որ ԱԳ նախարար Նալբանդյանն այսօր հանդիպել է ԵԱՀԿ համանախագահների հետ, և հայտնել սահմանին տիրող իրավիճակի մասին` հայտնելով իր մտահոգությունները:

Այս պարագայում ակնահայտ է, որ արդեն ադրբեջանական կողմը «ավանդույթ» է ձևավորել, որ երկու նախագահների հանդիպումից առաջ ալիևյան խունտան ձեռնամուխ է լինում հայրադրբեջանական սահմանում իրավիճակի կտրու և արմատական սրմանը` դրանով փորձելով իբր թե ցույց տալ սահմանում տիրող լարվածության պատասխանատուն հայկական կողմն է:

Ինչևէ փաստենք. մեկ անգամ ևս պետք է ամրագրվի, որ սահմանում տեղի ունեցած այս միջադեպերի և անմեղ քաղաքացիների մահվան ամբողջ պատասխանատվությունն ընկած է ադրբեջանական կողմի վրա:

Արմեն Հովասափյան-Facebook