Այսօր՝ հոկտեմբերի 5-ին, ոստիկանությունը ազատ է արձակել Ազգային ժողովի դիմաց սահմանադրական բարեփոխումների դեմ բողոքի ակցիայի ժամանակ բերման ենթարկված 21 ակտիվիստներին:
Նրանցից 7-ի նկատմամբ հարուցվել է վարչական վարույթ՝ Վարչական իրավախախտումների վերաբերյալ ՀՀ օրենսգրքի 180-րդ հոդվածի 11-րդ մասով (Հավաքի մասնակցի կողմից օրենքով սահմանված իր պարտականությունները չկատարելը` առաջացնում է տուգանքի նշանակում` սահմանված նվազագույն աշխատավարձի հիսնապատիկից մինչև երկուհարյուրապատիկի չափով):
Նշենք, որ իրավճակը բավական լարված էր և անընդհատ բախումներ էին տեղի ունենում ոստիկանների և ակտիվիստների միջև: Ներկա գտնվող ԱԺ ՀԱԿ խմբակցության քարտուղար Արամ Մանուկյանը փորձեց ելույթ ունենալ, սակայն սկսվեցին բախումները ու նրան թույլ չտվեցին շարունակել։ Խառնաշփոթի մեջ ոստիկանները նույնիսկ Արամ Մանուկյանին փորձեցին բերման ենթարկել։
«Լավ լուր ունենք. առաջիկա օրերին կտրուկ կտաքանա». Սուրենյանը տեսանյութ է հրապարակել 
