Հայաստան ինչպես ուղևորահոսքը, այնպես էլ թռիչքների քանակը պակասել է առաջին 9 ամիսների տվյալներով: Այս մասին են վկայում «Զվարթնոց» օդանավակայանի 2014-2015 թվականների հունվար-սեպտեմբեր ամիսների հիմնական արտադրական ցուցանիշները: Այս մասին տեղեկանում ենք ՀՀ քաղավիացիայի գլխավոր վարչությունից:
Նշված ժամանակահատվածում ՀՀ ժամանած ուղևորների թիվը կազմում է 702 հազար 004 մարդ` նախորդ տարվա 762 հազար 157-ի փոխարեն: Ընդհանուր ուղևորահոսքը 2014-ին կազմել է 1 միլիոն 573 հազար 109 մարդ, 2015-ին` 1 միլիոն 440 հազար 227 մարդ:
Պակասել են նաև առաքված բեռների ցուցանիշները. 2014-ին՝ 5281 տոննա, 2015-ին՝ 4048: Թռիչք-վայրէջքների ցուցանիշները. 8 083 հատ` 2014-ին այս տարվա 6 830-ի փոխարեն:
«Շիրակ» օդանավակայանի ուղևորահոսքը 2014-ին եղել է` 15 հազար 019 մարդ` այս տարվա 14 հազար 855-ի փոխարեն:
