«Հրապարակ» թերթը գրում է.
«Վայոց Ձորի նախկին մարզպետ, անցած տարվա հոկտեմբերից Լեհաստանի Հանրապետությունում ՀՀ արտակարգ և լիազոր դեսպան նշանակված Էդգար Ղազարյանը երեկ անակնկալ հայտնվել էր Ազգային ժողովում։ Ո՞րն է այցի նպատակը, հարցրինք դեսպանին, բայց Ղազարյանը չցանկացավ պատասխանել, նրան «օգնության» հասավ Սամվել Ֆարմանյանը, որի հետ կանգնած էր դեսպանը։ Ֆարմանյանն սկսեց լուսավորել մեզ, թե կա այդպիսի ավանդույթ, և դեսպանները պարբերաբար հանդիպումներ ու քննարկումներ են ունենում խորհրդարանականների հետ։
Ղազարյանը գոհ Էր դեսպանի իր աշխատանքից։ Հիշեցնենք, որ նա մարզպետի պաշտոնից իր դիմումի համաձայն հեռացավ։ Խոսակցություններ կային, որ նրա և Ջերմուկի տերուտիրակաև Աշոտ Արսենյանի ջրերը մի առվով չեն հոսում, բայց աշխատանքից ազատվելու բուն պատճառն ընտրությունների նախօրեին Գագիկ Ծառուկյանի հասցեին ասված տհաճ խոսքերն էին»։
Ավելի մանրամասն կարդացեք թերթի այսօրվա համարում:
«Հայաստանը հանուն խաղաղության իր բաժին ներդրումն ունենալու հարցում վճռական է». Փաշինյանը՝ Հռոմի պապին 
