ՀՀ արտաքին գործերի նախարարությունը փորձում է ճշտել կան արդյոք այսօր առավոտյան Շարմ-էլ-Շեյխից Սանկտ-Պետերբուրգ թռչող օդանավի ուղևորների շարքում ազգությամբ հայեր: Այս մասին YerevanNews.am-ին հայտնեցին ՀՀ ԱԳՆ մամուլի, տեղեկատվության և հասարակայնության հետ կապի վարչությունից:
Նշենք, որ «Airbus А-321»-ը պատկանում է ռուսական «Կոգալիմավիա» ընկերությանը: Օդանավում գտնվում էր 224 մարդ, որոնցից 217-ը ուղևորներ են եղել, իսկ 7-ը՝ անձնակազմից: Եգիպտական ԶԼՄ-ները հաղորդում են, որ ինքնաթիռի մասունքները հայտնաբերվել են Սինա թերակղզու կենտրոնական հատվածում:
Արդեն հայտնի է դարձել, որ եգիպատական օդուժի ինքնաթիռները հայտնաբերել են օդանավի կործանման վայրը: Այն ընկել է լեռնային շրջանում: Հաղորդվում է, որ դեպի նշված վայրն են շարժվում շտապօգնության 35 մեքենա, զոհերին և վիրավորներին դուրս բերելու համար:
Ռուսական հանցավոր աշխարհի առաջնորդը նշվում էր որպես Wildberries-ի շուրջ կոնֆլիկտի մասնակից 
