Այսօր՝ նոյեմբերի 3-ին, ԱԺ պետաիրավական և ֆինանսավարկային ու բյուջետային հարցերի մշտական հանաձնաժողովում համատեղ քննարկավում էր «ՀՀ 2016 թվականի բյուջեի մասին» օրենքի նախագիծը:
ՀՀ նախագահի աշխատակազմի ղեկավար Վիգեն Սարգսյանը հայտնեց, որ ՀՀ 2016 թվականի բյուջեի նախագծով նախագահի աշխատակազմի բոլոր ծրագրերի գծով ծախսերի համար նախատեսվել է չորս միլիարդ 558 միլիոն 321 հազար դրամ՝ 2015 թվականին հատկացված շուրջ 4 միլիարդ 580 միլիոն դրամի դիմաց: 2016 քննարկվող նախագծով ներկայացված գումարը նվազել է 22 միլիոն 430 հազար դրամով, կամ կես տոկոսով:
Վիգեն Սարգսյանը հայտնեց, որ Հանրային իրազեկման ապահովման ծրագրով, որը մտնում է ընդհանուր գումարի մեջ հանրային կապերի և տեղեկատվության կենտրոն ՊՈԱԿ-ի համար նախատեսված գումարը 2015 թվականի համեմատությամբ 2016 թվականին ավելացել է 17 միլիոն դրամով, կամ վեց տկոսով, որը հինականում կապված է ՊՈԱԿ-ի նոր մասնաշենք տեղափոխվելու հետ և դրա հետ կապված կոմունալ ծախսերի առաջացման հետ:
Վիգեն Սարգսյանն ասաց նաև, որ բյուջեի նախագծով հետբուհական և մասնագիտական կրթության գծով նպաստների տրամադրում և հետբուհական մասնագիտական կրթություն ստացող ուսանողների կրթաթոշակ ծրագրով ՀՀ պետական կառավարման ակադեմիա ՊՈԱԿ-ին տրամադրվող գումարն ավելացել է 1 միլիոն 800 հազար դրամով կամ մեկ տոկոսով և ընդհանուր կազմում է 164 միլիոն 50 հազար դրամ: Նա ասաց, որ ավելացումը պայմանավորված է էլեկտրաէներգիայի սակագնի բարձրացմամբ:
Սուրեն Չախալյան․ Ցավոք, ֆուտբոլը դաժան է, մեկ սխալը բերում է այսպիսի արդյունքի 
