Արմավիրի մարզի Առատաշեն գյուղում սարսափազդու դեպք է տեղի ունեցել: 2014թ.-ին ՀԱԷԿ-ին հարակից ամայի տարածքում՝ իր անձնական ավտոմեքենայի սրահում, 44-ամյա բնակիչ Ա. Հ.-ն բռնի ուժով բնական ճանապարհով սեռական հարաբերություն է ունեցել դստեր հետ։ Նա մեղադրվում է իր 16-ամյա դստերը բազմիցս բռնաբարելու մեջ։ Այս մասին տեղեկանում ենք «Դատալեքս» դատական տեղեկատվական համակարգից։

Որոշ ժամանակ անց նույն 44-ամյա Ա.Հ.-ն ննջասենյակում դստեր հետ կենակցելու անմիջական նպատակ հետապնդելով՝ նրա կամքին հակառակ կրկին սեռական հարաբերություն է ունեցել իր անչափահաս դստեր հետ։ Այս դեպքից հետո տղամարդը կրկին բռնություն գործադրելու սպառնալիքներով բնական ճանապարհով սեռական հարաբերություն է ունեցել դստեր հետ։

Ա.Հ.-ին մեղադրանք է առաջադրվել ՀՀ Քրեական օրենսգրքի 138-րդ հոդվածի 3-րդ մասի 1-ին կետով, 138-ր դ հոդվածի 3-րդ մասի 1-ին կետով, ՀՀ քր. օրի 138 հոդվածի 3-րդ մասի 1-ին կետով, 142-րդ հոդվածի 3-րդ մասի 1-ին կետով և 119-րդ հոդվածի 2-րդ մասի 3-րդ կետով: Խափանման միջոց է ընտրվել կալանավորումը։